الطبقة الأولى: كاسة من الحليب الفاتر انتبهوا ما يكون ساخن يعني يكون في حرارة المكان أو يكون فاتر وبكيت واحد من البسكويت ونبدأ بتبليل البسكويت لكن ما تطول بالحليب ما بدي إياها تطرى كتير لحتى تأخذ من طعم الطبقة الثانية الي رح نحضرها بعد طبقة البسكويت وهيك الطبقة الأولى بتكون عنا جهزت وننتقل لتحضير الطبقة الثانية

الطبقة الثانية: كاستين متوسطات الحجم من الحليب الفاتر، نضيف لهم ٤ ملاعق كبيرة من السكر أو حسب الرغبة يعني ممكن تتذوقوا الحليب وتحطوا كمان سكر إذا حسيته أنه بده كمان سكر ونضع ٤ ملاعق نشا كبيرة ثم نبدأ بتحريك المكونات بشكل دائري حتى نتأكد من أنه ذابت كلها وما في كتل بالمكونات ثم نضعها على النار حتى يتماسك الخليط ولازم الغاز يكون متوسط الحرارة

ثم نضيف بكيت واحد من الفانيلا وعلبة قشطة إلى الخليط لتعطيه نكهة مميزة ومذاق رائع ونستمر بالتحريك لحتى تذوب القشطة

وأخيراً الطبقة الثالثة: نحضر وعاء ونضع فيه باكيت الجيلي وكوب واحد من الماء المغلي (نستغني عن كوب من الماء، يعني أنه بكيت الجيلي بأخذ كوبان الماء) حتى يكون لونه أحمر ومميز ويجمد بشكل أسرع ونحركه حتى يذوب بالماء كلياً ولحتى تتأكدوا ضعوه على الغاز مع الاستمرار بالتحريك ثم نضع الجيلي على الطبقة الثانية بالملعقة حتى لا تختلط الطبقة الثانية مع الجيلي وتترك في الثلاجة لمدة ساعتين. صحة عافية ❤️