العجين : نحطو كاس و نص حليب مع أقل من نص كاس زيت بيضتين نخلطوهم مليح نزيدلهم ملعقة كبيرة خميرة الخبز مع مغرف كبيرة سكر ملح و نخلطوهم مع بعض و نضيفو ربع كيسان و نص فرينة تدريجيا حتى نتحصلو على عجينة نخلوها ترتاح و نروحو نوجدو الحشو.

في مقلة نحطو بصلتين مفرومتين مع نص صدر دجاج نحمسوهم مع بعض نزيدلهم التوابل لي عندنا معدنوس مقطع كريمة الجبن كي يطبنا نخلوه يبرد و نروحو نحلو عجينة وونشكلوها و ندهنوها بأصفر تاع بيض شوية سانوج ولا زيتون أسود و ندخلوها فالفرن طيب