اول مهمة تنضيفوون منشيل الدهون حوالي الفوارغ ومنقلبون ومنكشطون بالسكين كتير منيح لحتى تروح طبقة رقيقة ومايلة للصفار وبعدا منغسلون منيح ومنحطلون كاسة ملح وكاسة خل ونص كاسة طحين ونحركون منيح ومننقعون ساعة او اكتر بهالخلطة لتروح الزنخة وينضفو

بعدا منرجع منغسلون بمي كتير منيح ومنصفيون ومنحط بقلبون ليمونة مقطعة لتسحب الريحة كان بقيان

منجهز الحشوة رز مصري مغسول ولحمة مفرومة والحمص ملح وبهارات الي زكرتون وسمنة معلقة وزيت كاسة صغيرة لتساعد عالحشي

منغسل الفوارغ من الليمون ومنكشطون مرة اخيرة من الجهتين ومنغسلون مرة اخيرة ومنقلبون عالجهة الي كانت عليها الدهون لجوى ومنحشي فينا نستخدم حفارة الكوسا او قمع صغير ليساعد عالحشي لانو رح تتعزبو شوي بس لما تصير بتمكن رح تنسو التعب

بس خلصنا حشيون منبسطن براحة الايد ومنترك مجال للرزلانو رح ينفش ومنحدد ادي بدنا حجمون ومنربط بخيطان نضيفة من كل الجهات ومنقطع

ازا بدكن قطعون وقت التنضيف كمان بصير بس هنن وطوال حشيون اسرع

بعد ما ربطناهن منزلون بطنجرة مليانة مي ومنضفلا ورق غار هيل وسن توم واحد وكبش فرنقل ومنركون ساعة ويمكن اكتر حسب الفوارغ ازا من خاروف صغير او كبير

وهنن عم يغلو رح يتنفخ بعضون وتحسيون رح يفقعو بشوكة منشكون بابرة او شوكة.مننطر ليستوو