نبدأ على بركة الله، قطعت الشكولاتة بالحليب إلى قطع صغيرة ووضعتها في إناء فوق حمام مائي وخليتها ذوب مع التحريك المستمر كي ذابت ضفت عليها وهي عاد سخونة 50 غ من الشكولاتة السوداء مقطعة قطع صغيرة وخلطت الكل حتى انسجمت كل المكونات.

بردتها شوية وفرغتها في القوالب اللي عندي ، مشّيت الشكولاتة على كامل المول (استعملت قوالب من الكريستال) وتخلّصت من الفائض استعملت طبقة رقيقة من الشكولاتة.

ومن جهة أخرى في إناء حطيت الكنافة (استعملت المحمصة الجاهزة) مع المكسرات محمصين ومرحيين في الخشين (يمكن إستعمال البيستاش او الفول السوداني) مع كريمة أو زبدة الفستق إستعملت الكرانشي خلطت الكل جيدا، كانت عندي شوية ناشفة ضفت من كريمة البيستاش حتى تحصلت على القوام المطلوب.

فرغت كمية في كل قالب من خليط الكنافة والكريمة البيستاش.

وسرحتهم مليح في القوالب، ومن فوق فرغت القليل من الشكولاتة ومشيتها على كامل السطح.

كما هو موظح في الصور ندير طبقة رقيقة جدا، خليتها تبرد في الثلاجة ما تديش وقت بزاف.

ديموليتها من القوالب (مزيج الشكولاتة بالحليب والشكولاتة السوداء عطانا لمعة شلبة وبنة عظيمة)

غلّفتهم بغلاف خاص بالشكولاتة وقدّمتهم بألف صحة وهنا 😋👌🏻😋

من أطيب ما يكون قرمشة خفيفة ولذيذة 🍫😋🍫 بصراحة تستحق الترند.

وشهية طيبة للجميع 💖🍫💖