نغسل الجوانح جيدا بعد ازالة الظفر

منتبل الجوانح مع ملعقة بهار دجاج واوريغانو وثوم بودرة وبابريكا ومنضيفلن خل وصويا صوص وملح حسب الرغبة ومنحط ورق غار

منقعن شي اربع ساعات وازا من قبل بليلة بكون احسن

منحطن بصينية ومندخلن الفرن لحد ما يستووا

عجنب منكون قطعنا بطاطا دوائر وقليناهن

بندق عجنب حصين ثوم مع زيت زيتون وسماق ومنخلطن منيح ومنحطن فوق البطاطا لي قليناها

بس يستوا الجوانح منشعل الفرن من فوق ومنحط خليط البطاطا لي عملني فوق الجوانح

ومندخلن الفرن شي عشر دقايق حتى يتحمروا

صحتين وهنا ورمضان كريم