تقشر البطاطا وتقطع نصين بشكل طولي متل الصورة وتحفر بالملعقة.. حتى توصل للسمك اللي بتحبوه وتقلى بالزيت حتى تشقر..

نضعها على مناديل مطبخ.. الحفرة تكون لتحت حتى نتخلص من الزيت الزائد

لعمل تطبيقة اللحمة.. نقلي البصل مع رشة ملح وبهار اسود حتى تذبل ثم نضيف اللحمة ونقلب حتى تستوي اللحمة وبنضيف مقدار البهارات و بندوق لنعدل الطعمة..

في صينية فرن بنرتب نصاص البطاطا وبنحطلها الحشوة وحدة وحدة.. لازم تكون الصينية مقاسها مناسب وبشكل ينزركو ببعض عشان ما تميل والحشوة توقع وبنحط عليها حبات الصنوبر المحمصة

بنحط مقدار المرقة او ماء مسخن ومعو مكعب الماجي من على جنب الصينية مش عحبات البطاطا مباشرة. والمي بتكون قبل غمرة البطاطا ب سنتمتر واحد

بنغطي الصينية بورقة المنيوم وبنحطها عنار هادية وبنعير من بعد ما تغلي..ربع ساعة وبنطفي

وهيك بتكون اكلتنا صارت جاهزة والف صحة وهنا

ملاحظة.. لمحبي الصلصات الحمرا ممكن اضافة ملعقة صلصة كبيرة مع المرق قبل اضافته على الصينية

ملاحظة اخرى.. البطاطا اللي ضلت من الحفر بنقليها لتصير شقرا ومقرمشة وبناكلها لحالها مع كاتشب.. او ممكن نقليها ونضيفها مع طبختنا