ناخذو الدقيق في جفنة وشوي ملح والسمن

نمحروه باليد مليح حتان (حتى) يتبدل لونه ويولي كانك درتيلو الماء من بعد نديرلو ماء الزهر

نجيب الغرس تاعي اللي رحيتو نديرلو شوي قرفة وشوي طيب ونعجنه بالماء الزهر باش يجي طري مايجيش يابس

نأخذ لعجينة تاعي نشكلها حربوش كبير ونزيد حربوش غرس ندهنو بشوي زيت باش مايلصقش في يدينا

نحطو في وسط حربوش لعجين ونقفل عليه ونعدلوه بيدينا مليح ونطبعوه بطابع المقروظ ونقصوه بقاطعة مشرشفة ونديروه في البلاطو

ونديروه في الفرن يطيب كيبرد نشهروه في العسل وبالصحة والهناء.