المحاشي 😍 (الضُولمَه)
من أكثر الأكلات الليبيه🇱🇾 اللي نحبها💕
#المرور_الاول
الخطوات
- 1
نبدو بسم الله/ عندنا في ليبيا ليها عدة أسماء يعني لو المحشي بورق السلق تسمى ضُولمه أو بَرَاك والمحاشي اللي بالخضروات وورق الكرنب (الملفوف) تسمى محشي/ إذا تبقى مني حشو👇 نضيف عليه حمص ومكعبات صغيرة بطاطا وجزر و انحطه فالكسكاس يفور ونأكله مع عصرة ليمون😋
- 2
وبالنسبه لطريقة طبخه ليه عدة طرق إما على البخار(فالكسكاس)أو فالطنجره(نفرش العروق البيضاء امتع ورق السلق في قاع طنجرة مع دوائربصل وبطاطا ونحط فوقهم الضولمه وانحط عليها صحن مقلوب ونصب خليط مكون من ماء ساخن مذاب فيه ملعقة كبيرة معجون طماطم وشويه زيت ونفس البهارات اللي في خلطه الحشو ونعصر عليه ليمون ونغطيها ونحطهاعلى نار عاليه وأول ماتغلي نهدي النار ونتركه لمدة60-45دقيقه)أو في الفرن(نفس طريقة الطنجرة غير هذه في الفرن ولما يطيب (يستوي) نزيل من عليه السيلفر ونتركه يتجمر شويه ويقدم
- 3
نأخذ ورق السلق ونزيل الساق البيضاء ونترك الورق الاخضر ونغطسه في ماء مغلي ثواني ونخرجه وهكذا مع كل الاوراق ونأخذ بالورقه لو كبيرة نقسمها على اثنين ونحط شوية حشو ونلف رول ونلم الاطراف مثل الصوره تحت👇(للامانه الصورة اللي فيها يد من النت لتوضيح) ويمكن نلفه مثل السمبوسه مثلث حسب رغبتك؛ بالنسبه لباقي الخضار نحفرها ونحشيها.
- 4
إذا بنعمل المحشي بورق الكرنب (الملفوف) نأخذ طنجره ونحط فيها اميه وحبات كمون أو كمون بودرة وورق الكرنب (الملفوف) ونخليها تغلي دقيقه أو أكثر شويه المهم حتى انحس انه ورقة الكرنب (الملفوف) نقدر انلفها المهم ما انخليهاش هلبه على النار مش ما تقعدش تتمزق؛ بالنسبه للبصل نأخذ بصله متوسطه انقشرها ونعمل فيها شق طولي وكأني حنقطعها على نصفين مجرد نوصل بالسكين لنص نوقف ونحطها في ماء يغلي ثواني ونخرجها ونبدأ نفك في طبقات البصل ونحشي وانلف👇
- 5
الحشو//نخلط الخضار واللحم والبهارات ومعجون الطماطم(كمية معجون الطماطم حسب الخلط لوحسيتي الخليط أبيض وناقصه طماطم عادي ممكن تزيدي الحدالاقصى هو3ملاعق كبار فقط حتى ما ايجيش كله طماطم وحامض) والزر واللحم مع بعض ثم نضيف الزيت(تقريبامن ربع إلى نص كوب) لحد ما انحس انه حبات الزر تلمع وكل الخليط متجانس؛ انا انحب الطعم الحامض مرات انضيف في ملعقة كبيرة دبس رمان😍 للحشو أو نخلط م ك دبس رمان مع عصير نصف ليمونه ونصبه عالمحشي وهوا فالكسكاس وانخليه ايطيب طبعا اللي يحب الحامض ايدير هكي واللي لا يقدر يستغنى عليه
- 6
قاعده فالمحاشي كمية اللحم ضعف كمية البصل والخضرة(المعدنوس (بقدونس) والشبت والكسبر) مثلا لو اللحم نص كيلو البصل يكون ربع كيلو والخضره ربع كيلو كمية الرز يعني تكون معقوله لكن مش هلبه أكثر من الخضار واللحم
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
رشتة الكسكاس 😍 الليبيه 🇱🇾 رشتة الكسكاس 😍 الليبيه 🇱🇾
من الأكلات الليبيه اللذيذه😋#المرور_الثالث
-
المبكبكه بالقديد على الفحم 😋 المبكبكه بالقديد على الفحم 😋
من أشهر وأسرع وألذ الأكلات الليبيه🇱🇾 #المرور_الرابع -
بان كيك بالشوكولاتة والفراولة 🥞 بان كيك بالشوكولاتة والفراولة 🥞
#موسم_الفراولةالمقدار صغير يمكنكِ مضاعفة المقدار لو كنتِ تحتاجي لكمية كبيرة ، أما الطعم فلن تندمي لتجربته 💕.
-
كب كيك 🍰 الماء💦 والليمون 🍋 خفيف وهش 😋 كب كيك 🍰 الماء💦 والليمون 🍋 خفيف وهش 😋
#المرور_الاول ادعولي هالمرة نكون من الفائزين😊 -
-
معجنات بعجينة ال10 دقايق واللحم المفروم 😋 معجنات بعجينة ال10 دقايق واللحم المفروم 😋
عجينه متعددة الاستخدامات -
-
المرفوسة الليبية المرفوسة الليبية
من الأكلات الليبية الشعبية الشهيرة في الزاوية و صرمان
-
-
-
وصفات ننصحك بمشاهدتها
التعليقات (4)