في خلاط كهربائي نضع كل البيض السكر والزيت والحليب الملح نخلطو جيدا ونضيف ليه فلان الكاكاو والفانيلا ونخلطو جيدا وفي إناء أخر نصبو الخليط ونضيف ليه الدقيق المغربل مع خميرة الحلوى خاص يكون الخليط خفيف شيئا ما ونترك الخليط جانبا

في كاسرول نديرو كأسان من الحليب السائل نضيف ليه ملعقتين نشا وملعقتن سكر و كيسان من الفانيلا ونخلطو جيدا ونضع الكاسرول على نار مهيلة مع إستمرار التحريك حتى يبدى يثقال(يختر) نطفيو النار ونضيف ليه ملعقة صغيرة من الزبدة ونخلطو جيدا

ندهنو المول(قالبالحلوى) بالزبدة ونرشو فيه الشوفان ونصبو نصف من كمية خليط الكيك ونوزعو فوقه كريمة بيضاء ونصب فوق كريمة البيضاء نصف الخليط الكيكة المتبقي بشكل متساوي وندخلها إلى الفرن مسخن من قبل على درجة 180درجة لمدة من 40دقيقة حتى 45دقيقة ومتفتحوش عليها الفرن حتى تحسو بها طابت مين ونخرجوها من الفرن نخليوها حتى تبرد تماما عاد نحيدوها من المول (قالب) هذا هو الشكل ديالها

التزيين بصوص الشيكولاته اللي سبق لي و حطيتها واللوز إفيلي ومحمر أو جنجلان محمر أو الفول السوداني مهرمش ومحمر