في بسينة نخلطو بياض البيض مع الحليب والخميرة والسكر نخليهم يتفاعلو 10 دقائق

بعد ماتتفاعل الخميرة نزيدو عليها الزيت والخل والفرينة والملح ونلمو العجينة حتى تكون تتلاصق نمسحها بالزيت ونخلوها تختمر

نقلو البصل والفلفل يكونو مقطعين رقيق نزيد عليهم الزيت ومغرف طماطيش بعدها نزيدو الحبة المسكرفجة 🍅مع الفلفل كحل والقرفة وورقة رند (غار) والملح والزيتون المقطع بعد ماطيب نخلوها تبرد ونفتحو العجينة مستطيل

نقطعوها بالموس الى مربعات حجم متوسط نحطو الحشو في الوسط ونجيب جنب العجينة نغطي بيه الحشو والجنب الثاني نقطعو اشرطة ونلوي بالواحد ونثبتو فوق العجينة

نحطوهم في صينية مدهونة بالزيت ونخلوهم يعاودو يخمرو 10دقايق بعدها نمسحهم بصفار بيضة مخلط مع مغرف حليب ومغرف خل

ندخلهم للفرن يكون شاعل من قبل ب نص ساعة حتى يحمارو مليح