لتحضير العجينة نخلط كل من الحليب و السكر و الخميرة و الزيت مع بعض و نضيف ملح حوالي ملعقة صغيرة و نضيف الفرينة بشوية حتى نتحصل على عجينة تكون طرية نخليها تختمر

الحشو اختياري درت شكشوكة قليت بصل زدتلو طماطم و فلفل حلو و لحم مفروم

بعدما تختمر العجينة نحلوها رقيقة و نشكل دوائر و نحط الحشو في الوسط و تغلقي عليهم بفرشيطة تدهنيهم بصفار البيض و تحطيهم في فرن مسخن من قبل على درجة متوسطة يطيب (يستوي) من التحت تشعلي من الفوق

شهية طيبة