الشوكولاته التويكس هتحضريها بنفسك وفى البيت بأسهل طريقه🍫🙊
جبتلكم النهارده بقا أسهل وأسرع طريقه لعمل الشوكولاته🍫 التويكس✨ بكل تفاصيلها😉.. وصدقينى مش هتشتريها من بره تانى لو جربتى الطريقه دى🤭 بتعمل كميه كبيره وسعرها أوفر من بره بكتير🤫 وطعمها فى حته تانيه😋 ده غير إنك تبقى عاملاها بنفسك وضامنه نضافتها وجودتها😌🌸.
تحدى #صدقة_جارية على كوكباد
الشوكولاته التويكس هتحضريها بنفسك وفى البيت بأسهل طريقه🍫🙊
جبتلكم النهارده بقا أسهل وأسرع طريقه لعمل الشوكولاته🍫 التويكس✨ بكل تفاصيلها😉.. وصدقينى مش هتشتريها من بره تانى لو جربتى الطريقه دى🤭 بتعمل كميه كبيره وسعرها أوفر من بره بكتير🤫 وطعمها فى حته تانيه😋 ده غير إنك تبقى عاملاها بنفسك وضامنه نضافتها وجودتها😌🌸.
تحدى #صدقة_جارية على كوكباد
الخطوات
- 1
بنحط السكر مع الزبده ونخلطهم مع بعض بمضرب البيض (المضرب الكهربائى) لحد ما يمتزجوا وبعدين بنضيف عليهم البيض والفانيليا ونخلطهم كويس أوى بالمضرب
- 2
بنحط بعد كده بقا الدقيق والبيكنج بودر على الخليط ده وبنلمهم لمه خفيفه كده بالمعلقه أو بالإيد؛ لأن عجينه البسكوت زى ما انتوا عارفين بتبوظ من العجن الكتير.. والعجينه بتتماسك بعد كده وقت التشكيل، لكنها بتكون دلوقتى مفروله كده عادى زى ما انتوا شايفينها
- 3
قبل ما نبدأ التشكيل بنولع الفرن الأول على ١٨٠ علشان البسكوت بيدخل فرن سخن، وبعدين بقا بنفرد العجينه كده فى صينيه ونقطعها مستطيلات وبنحطها فى الصينيه اللى هندخلها الفرن ونسيب ما بينها مسافات مناسبه وندخلها الفرن ربع ساعه تقريبا وبتكون استوت.
(أنا عملت منها شكل صوابع التويكس العاديه وعملت بردو منها شكل دوائر بشكاله كانت عندى كنوع من التغيير🙈😂)
- 4
بنحضر بقا صوص الكراميل لحد ما البسكوت يستوى.. بنحط السكر على النار وبعد ما يتكرمل بنحط عليه الزبده والحليب المحلى المكثف.. وده رابط طريقه عمل الحليب المحلى المكثف فى البيت:
https://cookpad.wasmer.app/sa/r/24455294
- 5
بنسيب الكراميل لما يبرد شويه وما يكونش سائل علشان نعرف نحط منه على البسكوت، وفى نفس الوقت بيكون البسكوت استوى ف بنخرجه من الفرن وبنحط عليه الكراميل بالمعلقه ونسيبه يجمد شويه فى الثلاجه
- 6
ولحد ما الكراميل يجمد بنسيح الشوكولاته اللى هنغلف بيها فى المايكرويف أو على حمام مائى، ولو مش عندكم شوكولاته جاهزه هحط لكم طريقه عمل الشوكولاته دى فى البيت فى أول كومنت😉
- 7
والخطوه الأخيره بقا بنغلف البسكوت بالشوكولاته وبتبقا التويكس بتاعتنا جاهزه😋🍫.
وبألف هنا وشفا على قلوبكم😍🌸.. ما تنسوش بقا تبقوا تشاركونى تطبيقاتكم وإبداعاتكم لأن ده بيفرحنى جدا وبيشجعنى 🤭✨.. واكتبوا لى فى التعليقات رأيكم وقولوا لى عاوزيننى أنزل لكم وصفات ايه تانى🤗💓.
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
كيك الشوكولاته المسقية 🍫🍫 كيك الشوكولاته المسقية 🍫🍫
#وصفات_الفرولات🍓🍓#شوكولاته🍫🍰 (ليوم تشاركنا انا وفرولاتي في وصفات بالشوكولاته لانو قبل تشاركنا بلكراميل وحبيبتنا ام اولادي ما شاركتش معانا وبغينا نديرولها خاطرها وشاركنا معها وصفات بالشوكولاته ربي يعطيها سويعه ساهلة و يدومها محبة واخوه بين الفرولات وعائلتنا الثانية بكوكباد)
-
كيكة الشوكولاته 🍫 بكريمة الشوكولاته كيكة الشوكولاته 🍫 بكريمة الشوكولاته
#كيكات_يومية 🍩 كيكة إقتصادية وفي قمة الروعة أتمنى ان تعجبكم👍👌🥰
-
كيكة بكريمة الشوكولاته وكريمة الفراولة 🍫🍫🍓🍓 كيكة بكريمة الشوكولاته وكريمة الفراولة 🍫🍫🍓🍓
روعة في الشكل والمذاق تبهري بيها عايلتك وضيوفك😍😍🍫🍫🍓🍓
-
كيكة عيد الميلاد بالشوكولاته 🍫🍫🍫 كيكة عيد الميلاد بالشوكولاته 🍫🍫🍫
#نكهة_عربية للمزيد من التفاصيل زوروا قناتي على اليوتيوب لأني صورت جميع المراحل بالتفصيل الممل للمبتدئات اسم قناتي الطبخ التقليدي والعصري
-
-
كيكه الشوكولاته بطريقتي كيكه الشوكولاته بطريقتي
كيكه الشوكولاته تابعني على قناتي مع أم سفيان المصريه يوتيوب
-
-
-
وصفات ننصحك بمشاهدتها
التعليقات
كوب إلا ربع سمنه/زبده/زيت (أو زبده الكاكاو لو عندك يكون أفضل)
نصف كوب كاكاو
كوب إلا ربع سكر بودر
نصف كوب حليب بودر (أو حليب محلى مكثف يكون أفضل)بنقلبهم مع بعض كويس أوى، ودى كده كأنها شوكولاته سايحه بنغمس فيها البسكوت ونحطه فى الثلاجه.