نغسل اللحمه ونغليها مرة وحده على النار مع الماء, لتطلع زفرتها. بعدين بنكب الماء عنها.

على الخلاط الكهربائي, اللبنه والشنينه والجميد السائل مع بعض. وبنضيفهلم بيضه وسنين ثوم وماجي بودرة إذا بتحبوا. وعلى الغاز, مع التحريك المستمر.

بس يغلى اللبن, بنضيف عليه اللحم. وبنتركه يطبخ لحتى تستوي اللحمه.

بطنجرة على الغاز, بحميها وبحط السمنه وبقلي اللوز.

بس اشيله, بقلب الرز لتتنشف السوائل اللي بتطلع منه. وبنزبط الماجي والملح وبنضيفله الماء المغلي ومعلقه كركم (عصفر أو عقده صفرا).

بس يبلش يغلى, بنغطيه لتنشف الماء عنه وتصير لمستوى سطح الرز. بنخفف الغاز على الشمعه. بنتركه يتهدى على راحته.

آخر خطوة, بصدر التقديم, بنحط شراك وعليه مغرفتين لبن وبنضيف الرز واللحم. وبعدين بنزين باللوز وبنغطيه بشراك.

وصحه وعوافي على قلوبكم.