في إناء نحط الفرينة (طحين) والسميد الرطب والسكر وخميرة الخبز ونخلط ثم نضيف الملح ونخلط ثم نضيف الزيت ونخلط

نبدأ نضيف الماء الدافئ بتدريج ونخلط حتى نتحصل على عجينة تتلصق نعجنها شوية حتى تتلم ندهنها بالزيت ونخليها مدة 30دقيقة ترتاح وتتخمر.

في مقلاة ندير الزيت والثوم يتقلاو شوية نضيف الطماطم مبشورة ونخلط ثم نضيف الطماطم المصبرة والملح والفلفل الاسود والكمون والزعيترا وخليه يتقلا ثم نضيف الماء نخليه شوية ونطفي يصبح جاهز

في سنوة نخبز العجينة بعدما ندهنها بالزيت ونحط عليها الصلصة ونستف حبات الزيتون ونديرها في الفرن عالي الدرجة حوالي 220 لما طيب نحيها ونذري عليها الجبن المبشور والمعدنوس مقطع وشهية طيبة