الخطوات
- 1
كانستعملو ابيض البيض وكاندير ليه شوية دالملحة و1 فانيلا ونصف كأس سنيدة (سكر خشن) كانطربوهم (كانحركوهم) حتى كايوليو بحال الثلج.
- 2
من بعد كاناخدو أصفر البيض وكاندير ليه نصف كأس ليبقا فسنيدة و واحد فانيلا و 2 ملاعق ماء دافيين وكانطربوه حتى هو لمدة 10 دقائق
- 3
من بعد كاكانطربو (كانحركو مزيان) أصفر البيض و ابيض البيض كل واحد بوحدو.كانخلطوهم بشوية من الفوق لتحت حتى كايتجمعو وكانهزو كأس ونص دقيق وكانديرو معاه خميرة وحدة وكانغربلوه
- 4
من بعد كانكبو الدقيق ليغربلنا شوية بشوية على البيض وكانحركوه مرة اخرى من الفوق لتحت
- 5
كانفرشو ورق الطبخ في طاوة دالفران وكانكبو عليه الخليط وكانسرحوها عليه
- 6
من بعد ماكاطيب وكاتخرج من الفران كانلويوها فالورق ديالها و كانهزو قطعة ثوب كانبللوه شوية بالماء وكاانديرو فيه الورق ليفيه الكيكة وكانلويوه..
- 7
كاناخدو إناء كانديرو فيه ماء سخون (حمام مريم) وكانهزو شوكولاتة مع 2 ملعقات زيت لوسيور كانحطوهم في كاصرونة.. من بعد كانحطو الكاصرونة فالإناء حتى كايذوب الشوكولاته..
- 8
من بعد ما كادوب الشوكولاته كانقسموها على جوج.. النص كانديرو معاه ياغورت مسوس والنصف لاخر كاندير معاه 3 ملاعق كبار حليب للتزيين
- 9
كانقسمو الكيكة على جوج بشكل أفقي وكانهزو الشوكولاته ليمعاه الياغورت كانديروها في الوسط
- 10
من بعد كانحطو فوقها النصف الاخر وكانزينوها بالشوكولاته ليفيه الحليب
- 11
الكيكة واجدة.. دابا كانقطعوها على شكل مربعات
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
كيك بالشوكولاته كيك بالشوكولاته
كيك لعمروا مغدي يحشمك قدام ضيوفك ديال تحميرة الوجه
-
-
-
-
-
-
-
-
وصفات ننصحك بمشاهدتها
التعليقات