ملحوظة.. هنبدء في الكل في وقت واحد علشان الاكل يتقدم سخن بمعنى في نفسى الوقت الى هنعمل فيه الصدور هنعمل خلطة المعكرونة وفي نفس الوقت نحط ماء المعكرونة على النار

اولا صدور الفراخ.. الصدور لو سميكة هتفتحيها من الجمب زي ما بنفتحها للكوردن بلو زي ما واضح في الصورة هنجيب شواية زي دي او لو مش عندك ممكن تستعملي أي طاسة هنرش فيها ملح ونرص عليها صدور الفراخ زي ما في الصورة وعليها رشة ملح صغيرة اوي ونضغط عليها بالشوكة

لما تلاقي إن لونها اتغير من الوجه و عملت لون فاتح من القاع اقلبيها وسبيها تأخذ لون خفيف ولما تخلص انقليها في طبق التقديم وغطيها و كرري نفس الخطوات لغاية ما تنهي الكمية كلها بعد كدة هتضيفي عليها عصير ليمون مع زيت زيتون

وزي ما اتفقنا في نفس الوقت هنعمل خلطة المعكرونة وهي... ملعقتين زيت زيتون هتضيفي ليهم طماطم مقشراها ومقطعة مع قطع الزيتون و الفلفل والبقدونس ونقلبهم مع بعض تشويحة بسيطة ونضيف ليهم عصير الطماطم او الصلصة والملح والفلفل الأسمر واوريجانو (زعتر الجبل) ومرقة دجاج ونسيبهم على النار لغاية ما تتسبك

ودي شكلها النهائي ونضيف ليها المعكرونة ونقلبها كويس اوي والف هنا ويارب تعجبكم