نسلق اللحمة لمدة نص ساعة ونطلعها في طبق ونحط زيت على النار ونقلي فيه اللحمة حتى نحصل على درجة الاحمرار

بعد م نقطع البصل والفلفل شرايح في صينية نحمر البصل لحد م يذبل ونضيف الفلفل الأخضر وشوية ملح

في نفس الزيت اللي قلينا فيه اللحمة نقلى البطاطس اللي مقطعينها شرايح يادوب تأخذ طعم الزيت منسيبهاش تحمر وبعدين نرص البطاطس على البصل في الصينية ونحط عليها اللحمة وشرايح الطماطم

في طبق نحط مياه او شوربة ونضيف ليها البهارات والملح والكزبرة ونضيفهم على الصينية لحد م تتغطى اللحمة ونسيبها تغلى لحد م اللحمة والبطاطس تستوي وبعدين نحطها تحت الشواية تأخذ ريحة الفرن

ممكن نجيب حتة فحم ونحطها في ورق الومنيوم ونحطها في الصينية ونغطيها بحيث تديها ريحة وطعم أحلى وبألف هناا 🌸💚