اول حاجة نظف دجاج جيدا و نخلط التوابل مع الزيت و الخردل و العسل و نرقد دجاجة تاعي جيدا و ندخل التوابل مابين الجلد و اللحم و رند كدلك مابيناتهم و بالسكين نفتح فتحات و ندخل الثوم و نخليها حوالي ساعتين على الاقل

في مول لي يدخل للفرن ندير البصل لي كنت قطعته دوائر و ندير دجاج نغطيه بورق الطهي و الامنيوم و ندخلها للفرن و بعد 45 د نبقى نسقي فيها بداك المرق لي تطلق كل ربع ساعة و لا عشر دقائق باه يجي طري و ميجيش ناشف

و من جهة اخرى في مقلاة نقلي الارز مع الزبدة و ندير رشة من التوابل المدكورة ولا التوابل لي تحبوها و من بعد نمرق بمرق دجاج قيس كاسين و نغطيه (نغمه) و نقص عليه النار حتى يتشرب كامل الماء

و هدا شكل دجاج تاعي قدمته مع الارز ، و صفيت المرق من البصل لي طلقه دجاج رفقته مع الارز ودجاج كصوص

شهيتكم فالجنة

🍗🍗🍗🍗🍛🍛🍛🍛