منغسل الدجاج ومننضفه منيح ومننقعه بالملح والليمون نص ساعة اقل اشي

منجيب الدجاج ومنضيفله رشة ملح ، فلفل أسود ، زنجبيل مطحون ، قرفة ، بابريكا منكتر عشان اللون ، بهار ساده ، سنين ثوم ، روز ماري ، منسلفره بالسلفر ومندخلهم الفرن ع حرارة وسط من 20 ل 30 دقيقه (حسب فرنك)

منشيل السلفر ومنحمر الدجاج

مننقع الرز الحبة القصيرة 10 دقايق بماء فاتر

بعد منقعنا الرز منضيفلو الرز البسمتي ومنغسلهم منيح ، منضيف شوية زيت بطنجره و ع النار منحط الرز مع نص معلقة صغيرة كركم والملح (حسب الرغبه) منضيفله ماء لكل كوب رز مصري كوب ماء فاتر ولكل كوب أرز بسمتي كوبين ماء (أو حسب نوع الأرز) ، منحركهم ومنغطي الطنجرة ومنتركه ع نار هاديه لتنشف المي منه

منحمي زيت فطنجرة تانية ومنضيف البصل منشوحو شوي ومنضيف بعدها اللحمة مع رشة ملح وفلفل ، جوزة الطيب ، بهار سادة ، كركم..

منضيف الجزر وبعد شوي البازيلا ، منقلبهم سوا 10 دقائق *ملاحظة؛ نضيف شوية ملح عند الحاجه)

منسكب الرز كطبقة اولى بصحن التقديم والبازيلا والجزر واللحمه طبقة تانية والدجاج المحمر ويزين باللوز المحمص وألف صحه وهنا 🌸