نأخذ قصرية ندير فيها الزبدة بحرارةالمطبخ ونضيف سكر صقيل وقبصة ملح والفانيلا او اي نكهة ونخدمو مزيان بيدينا حتى يوليو العناصر على شكل بوماض ومن بعد نزيد زيت ونخدمو ونزيدو البيض وحنا كنخدمو بيدينا مزيان من بعد نضيفو الدقيق المغربل شويه بشوية مع الخميرة دالحلوى وحنا كنخدمو غي بشوية بالاصابع ديالنا حتى يتجمع العجين ونقسموه لكريات ونخليوه يرتاح

من بعد ما رتاحت العجينة غنطلقوها بمدلك من بعد مانكون درناها بين جوج بلاستيكات ونبداو نطلقو حتى ترقاق ونحصلو على السمك لي بغينا من بعد نقطعوها على حسب الرغبة وندخلوها لفران ساخن على درجة حرارية 170 من الفوق ومن لتحت ونقابلها حتى طيب

من بعد ما طيبنا الصابلي غنجيو باش نوجدو باش لصقوه غناخد كسرونة ندير فيها عسل يسخن ومن بعد نحيد الكاسرونة ونزيد 100 جرام شوكولاتة بيض ونخلط مزيان حتى يذوب الشوكولاته وينساجمو ونخلي هوم يبردو وعاد لصقو بيهوم الأشكال دصابلي لي غايلصقو

نأخذ كسرونة ندير فيها ناباج وعسل وندوبهوم ونخلط هوم حتى ينساجمو ونزيد عليهم فواكه معسلة وملونة وكاوكاو كونكاسي ونخلط ونديرهوم فوق شكل صابلي

نذوب شوكولاتة اسود وابيض في حمام مريم كل واحد بوحدو ونديرهوم فسيليكون الأشكال لي بغيتو ونديرهوم فالمجمد يتجمدو ومن بعد نجبدهوم ونلصقهوم فصابلي بناباج والكليكوز لي صاوبنا وندهن جناب ونزينهوم بكاوكاو كونكاسي محمر

دبا سالينا بقانا غي شكل لي لصقناه نزينوه خناخدو شوكولاتة كحل مذوب نغطسوه فيه ونزينوه بكاوكاو كونكاسي محمر وملون بلون أخضر وخطوط شوكولاتة اسود ومن بعد نستفو الصابلي فبلاطو وبالصحة والراحة