فإناء نضع البيض لي كون بدرجة حرارة الغرفة قبصة ملح كاس سكر خشن نطرب الكل بالطراب اليدوي جيداً حتى يذوب لينا السكر نضيف كاس زيت نطرب كل نضيف كاس حليب ونطرب جيداً من بعد نضيف الدقيق الابيض بتدريج من بعد ما نغربلوه مزيان نخلط الدفعة الاولى من الدقيق نضيف الدفعة الثانية مع 2معالق كاكاو مر مع خميرة الحلويات ونخلط حتى تحصل على خليط ماخفيف ماتقيل

نأخذ 3زلايف حجم واحد ونقسم الخليط على ثلاثة اقسام لاني غنعمل 3طبقات

من بعد نجيب مقلاة غير لاصقة لبسها بورق الطهي ندهنو بالقليل من زيت المائدة ونفرغ فيه الحصة الاولى من الخليط

نوضع المقلاة على نار هاديه ونغطيها باي حاجة متلا صينيه ولا غطاء زجاجي نتركها 3دقايق

منبعد نعري عليا ونرفدها من الجوانب بسباتيل ونقلبها لجيها تانيه نحسبلها من واحد لعشرة ونقلبها فإيناء ولا شبكة

نحيدلها ورق الطهي ونغطيها بمندين نقي باش ماتينسش لينا وتبقى طريه

ونكمل بنفس الطريقة لبس المقلاة بورق الطهي وندهنو بالقليل من زيت المائدة ونفرغ الكمية تانيه

من بعد نمرو باش نحضرو الكريمة غنوض 500 مملل فإيناء ونطربها بالطراب اليدوي بغيتو تستعملو الكهربائي لكم الاختيار نطربها بسرعة تقريبا 8دقايق ملي تطلع شويه نضيفلها 2معالق بودرة الكاكاو من بعد من غربلو ونطلعها حتى تعقاد

نخلي الكريمة على جنب ونجيب اطار نوضع فيه طبقة الاولى ديال جينواز نسقيها مزيان بسيرو نوضع طبقة كريمه وهكذا حتى نكمل طبقات بتلات

ندهن الوجه دطورطه بطبقة رقيقة من لكريمه والجوانب وندخلها ساعة المجمد

وندوز نحضر كلاصاج: نوضع فكاسرولة كاس سكر كاس زيت كاس حليب كاس كاكاو مر

نخلط الكل جيداً نوضعو على نار هاديه مع التحريك المستمر حتى يذوب لينا السكر نخليه حتى يغلي ويعاود ومن بعد نطفي عليه النار ونصفيه

نخليه فوق طاولة العمل حتى يبرد تمام ومن بعد نخرج الكيكة من المجمد ونسقيها من كلى الجوانب نخليها تستقطر

ومن بعد زينوها بلي متوفر عندكم

نتمنى تنال اعجابكم