نبدأ على بركة الله، نجيب اللوبيا نكون بيتها ليلة من قبل في الماء باش ترطاب نغسلها مليح ونصفيها ونديرها في قدره فيها ماء غالي نخليها طيب نص طياب تقريبا نصف ساعة ومرة على مرة نحاول نحي هاذيك الرغوة اللي تتكون من فوق.

في طنجرة الضغط نحط البصلة والجزر واللفت مع الزيت والسمن وقطعة الشحم والطماطم المصبرة نضيف عليهم التوابل نقلي مليح ثم نضيف اللوبيا اللي تكون طابت نص طياب نصفيها ونضيفها لطنجرة الضغط وحتى هي نقليها مليح.

نمرق بالماء اللي غلات فيه اللوبيا ونزيد نكمل بالماء يكون سخون (نغطي كامل اللوبيا) نخليها تغلي شوية عاد نغلق عليها طنجرة الضغط ونخليها طيب على خاطرها.
ملاحظة: إذا كان عندك الكرافس ضيفي عود يزيدلها في البنة.

بعدما الطيب نفتح على الطنجرة وها هي واجدة وتقدم اللوبيا بألف صحة هنا.