بسم الله الرحمن الرحيم:
أولا نحضر قصعة نضع الفرينة والملح نخلط نضع حفرة في الوسط نضع السمن والبيضة ونصف كمية من ماء الزهر نخلطهم ثم نبدأ نجمع العجينة بالخليط جيدا نضيف الخميرة والخمارة والخل ونزيد الماء والماء الزهر الباقي ونجمع العجينة حتى تصبح عجينة طرية

نقسم العجينة على ستة كورات

نفتح بالوحدة نرش النشا ونفتحها جيدا

نرش النشا نغلق الأطراف للوسط ونرش النشا ثم ونغلقها عل اثنين ونرش النشا ثم ونغلقها على اثنين

كما هو موضح في الصورة نتمنى الفكرة وصلت نكمل كل الكورات بنفس الطريقة ونخليها ترتاح ساعة تقريبا

نبدأ نفتح بالاولى الي عملتها
نفتحها رقيقة ونقطع بالجرارة والزوائد نجمعهم مثل العجينة المورقة ونخليهم على جهة حتى نستعملهم

نشكل خطوط حسب ما تحبي التشكيل انا راح نوريك حسب الي نعرف التشكيل وكل واحدة وطريقتها

نوضعها في صواني حتى نكمل كامل الكمية انا عطاتني ماشاء الله كمية كبيرة

نسخن الزيت ونبدأ نقلي

اذا تحبي تعسليه قطريه من الزيت وعسليه مباشرة او تخليه يبرد ثم سخني العسل وعسلي حسب الكنية الي تحبي باش يحافظ على القرمشة نتاعه
والله اعطيتهلكم بكل صدق وأمانة وبكل أسراره صدقة جارية عني وعن الي علمتني.

وتقدم بألف صحة وعافية
شهية طيبة وصح قهيوتكم