طريقة العجينة:نحط الدقيق فى حلة وعليه رشة الملح والسكر وعليهم الخميرة واللبن البودرة ونقلبهم ونحط معلقتين الزيت ونقلب ونعجن بماء دافئ شوية شوية ولو احتاجت شوية دقيق نحط أهم حاجة تكون عجينة متلزقش فى الإيد ونسيبها تخمر نص ساعة أو أكثر شوية

طريقة العصاج:نحط سمنة وعليها البصلة متقطعة وتبقى لونها ذهبى نحط اللحمة وعليها التوابل

طريقة الصلصة:نحط زيت وعليه فص الثوم يصفر ونحط الصلصة وعليها التوابل ونسيبها تتسبك وتتقل

نحضر صينية البيتزا وندهنها بالزيت ونفرد العجينة بالنشابة ونحطها فى الصينية ونحط عليها الصلصة وعليها اللحمة وعليها الفلفل والزيتون والجبنة وندخلها فرن سخن قبلها بدقايق على ١٨٠°من تحت حوالى ١٠ دقايق لما تتحمر الصينية من تحت ويبقى لونها ذهبى نطلعها فى وسط الفرن ونسيبها حوالى ربع ساعة لحد ما الجبنة تسيح