منحط اللحم على الغاز مع مي سخنة وبس يغلي منشيل زفرتو كتير منيح.

بعدا منحط الباقة العطرية بصلة هيل غار عود قرفة حبة لومي وقطعة زنجبيل لمدة ساعة ومنملح.

بعدا محضر اللبن ومنحطلو اما بيضة أو معلقين نشاء الذرة ومنخفقو منيح على البارد, يفضل بالبلاندر.

بعدا منحطو على الغاز ومنضل منحرك. ليغلي, منزدلو كبايتين من مرقة اللحم ومنحطلو اللحم يغلي معو ربع ساعة.

بهالوقت منغسل البرغل كتير منيح ومنقلين بمعلقتين كبار سمنة. الأصل يكون سمن عربي بس تقيل علينا, حطيت سمن عادي. منقلب لحتى تلمع حبات البرغل, منضيفها مرقة اللحم الباقية ومنغطي ليستوي.