نحضر كريمة ديبلومات وهي عبارة عن خليط كريم باتسيير وكرام شانتيه

كريم باتسيير: نحضر في كاسرول بيضة كاملة مع زوج مغارف اكل سكر عادي ومغرف اكل نشاء نخلطهم مع بعض ونضيف ربع ليترا حليب بالتدريج مع التخليط مستمر ثم نحطها على نار ناقصة ونخلط حتى تثقال ومبعد نحطها ونضيفلها مغرف كبيرة زبدة ومغرف صغيرة فني ونخلطهم مليح ونغطيها ببابي فيلم لازم كي تغطيها البابي فيلم يلامس سطح الكريمة باه ماديرش القشرة ونخليها تبرد

كريم شانتيه : كاس كريم شانتيه مع كاس حليب بارد جداً ونطلعهم بالخلاط وبعد ماتبرد كرم باتسيير نضربها بالخلاط الكهربائي حتى تولي كريمة ونضيفلها بالتدريج كريم شانتيه ونخلط بالسباتيل حتى تتجانس

بعد ما طابو تارتيلات نعمرهم بالكريمة بالمغرف او البوش ونزيهم بالفواكه لي تحبي