الفطير المشلتت علي الطاسة 😳😻
الخطوات
- 1
هنعمل العجينة قومي بوضع كل المكونات الجافة:(الدقيق،الملح،السكر) وقلبي وضيفي الزيت وقلبي وضيفي المايه الفاترة شوية شوية واعجني لحد اما تبقي عجينة طرية وبتلزق شوية في الايد واعجني فيها مدة مش تقل من 10 دقائق وبعد كدة غطيها وسبيها ترتاح نص ساعة
- 2
بعد اما ترتاح رشي رشة دقيق محترمة😂😂 وافردي العجينة علي شكل مستطيل بسمك ½سم وافردي علي العجينة السمنة او الزبد ولازم تبقي دافية مش سخنة
- 3
بعد كدة لفي العجينة رول وانتي بتفرديها امسحي الدقيق من عليها علشان تعرفي تقفيليها بعد كدة قطعي العجينة ل 7 قطع اد بعض وحطيهم في طبق في زيت ‘قلبيهم كويس في الزيت وحطيهم يرتاحوا في التلاجة ½ ساعة
- 4
بعد اما ترتاح وممكن تسبيها ترتاح لتاني يوم هتفردي القطع دي واحدة واحدة بسمك½سم زي الصورة هتقومي مطبقها زي الظرف زي الصورة برضه الاول من الجناب وبعضين من تحت وفوق وكله كدة وبرضه هتحتيهم في طبق فيه زيت وتقلبيهم في الزيت كويس وفي التلاجة ½ ساعة يرتاحوا
- 5
بعد ما ترتاح هتفرديها وفي مقلاية/طاسة علي النار مدهونة زيت (حوالي نقطتين زيت) سبيه يسخن شوية وبعد كدة حطي الفطير ووطي عليه خالص وغطيه بغطاء حلة وسبيه 5 دقايق كدة وبعدين بصي عليه لحد اما يلون اقلبيه علي الوش التاني لهد اما يستوي وكله بنفس الطريقة وكل اما تطلعي فطيرة غطيها بفوطة علشان تبقي طرية
- 6
بس كدة دا بقا فطير شم النسيم وان شاء الله كلكم تجربوه ويعجبكم وبالهنا والشفا😍😗
وصفات مشابهة
-
-
-
-
-
فطيرة مالحة محشية بالطون والفلافل 😋 فطيرة مالحة محشية بالطون والفلافل 😋
سهلة التحضير و لذيذة جداً تستحق التجربة..
-
-
-
-
فطيرة سائلة محشوة وبسرعة البرق توجد 😋😋 فطيرة سائلة محشوة وبسرعة البرق توجد 😋😋
#مع_شيماء
-
-
فطيرة مالحة و صحية كتهبل رائعة خفيفة و لذيذة للسحور😋👍 فطيرة مالحة و صحية كتهبل رائعة خفيفة و لذيذة للسحور😋👍
#يوميات_رمضان
-
فطيرة بدون لحم أو أجبان لذيذة 😋😉 فطيرة بدون لحم أو أجبان لذيذة 😋😉
#صدقة_جارية#الشيف_الذهبي
وصفات ننصحك بمشاهدتها
التعليقات (11)