طريقة تحضير اول مرحلة مناخد الطحين والسمن ورشة الملح ومنفركن مع بعض بئيدنا لا مدة خمس دقائق لاحتى يتشكل عنا عجين طري ممنوع العجن بس منلم العجين ومنكبس بعد هيك منغطي العجين ومنتركو يرتاح في البراد لمدة ساعة أو أكتر

بعد برود العجين مناخد كل المزكور فوق ومنحطن بجاط لا حالن ومنحركن مع بعض لا يذوب شوي السكر منجيب العجين ومنلينو بعدين منضيف السائل على العجين بتدريج ممكن ماياخد كل السائل بدكن تنتبهو ضيفو شوي شوي وانتبهوا كمان ماتعجنو ابدا بس لم وتكبيس مشان مايقسا العجين منرجع منغطي العجين ومنريحو من ربع ساعة لا نص ساعة بالبراد

هون منحضر الحشوة منضيف المكونات المذكورة فوق ومنعجنن مع بعض ختارو معجون تمر يكون طري مو قاسي وبعدين شكلو لا كورة حسب حجم القالب وكمان شكلو العجين لا كور صغيرة لازم يكون الحشو اكتر من العجين بعد التشكيل لازم ينحط في البراد مدة 5دقائق مشان تجمد السمنة ومشان مايشق المعمول بالخبز