نأخد كاس ماء مع ملعقتين دقيق الأرز نضعه فوق النار حتى يعقاد مزيان

ونديرو ذرة والنشا والروز فالعلبة لي عنعجنو فيها ونزيدو عليهم الزيت والملح والخميرة والسكر والعجين لي طيبنا فالأول ونعجنو مزيان ونبقاو نزيدو الماء شوية بشوية حتى تخفاف العجين شوية متكونش خفيفة بزاف ونخليوها تخمر

ناخدو مقلة نديرو فيها شوية الزيت طماطم المحكوكة مع ملعقتين فلفل أحمر (هريسة حلوة) ملح ونخليوهم يتشحرو ونضفيو عليهم ونخدو البصلة مع صدر الدجاج مقطع صغير مع شوية الزيت ملح إبزار كمون حتى يطيبو ويشحرو مزيان

نأخد مقلاة ندهنوها بالزيت ونرشو شوية ديال السميدة ديال الذرة او الروز ونكبو العجين فيها ونكرصوها مزيان ندهنوها بمطيشة ونرشو عليها الدجاج بالبصلة ونزوقوها بالفلفلة ونرشو عليها شوية الزعتر ونطيبوها

بالنسبة لطياب بغيتو طيبوها فوق البوطة ممكن حيت انا هادي طيبتها فوق البوطة غير خاص ضروري تغطيها حتى تحسو بيها طابت عاد دخلوها الفران يتحمر الوجه أما الى بغيتو طيبوها فالفران بلا متغطيوها وبالصحة والراحة