بسم الله الرحمن الرحيم
أول مرحلة نحط الكوكاو في إناء نعصر عليه نصف ليمونة صغيرة نخليها تتمقع في العصير 5 دقيقة ثم نضيف عليه كمية من الماء المغلي نخليه يرتاح 10 دقائق

بعد ذلك نصفيه نحط الكوكاو في صينية مفروشة بقماش نظيف و نخليه ينشف في الشمس لمدة يوم كامل.

في الغد :
ثاني مرحلة نحمص الكوكاو حتى يصفار فقط ثم نرحيه رقيق.
بالنسبة لجوز الهند إذا كان خشن نرحيه رقيق.

في إناء نأخذ البيض ، السكر و الفانيلا و المربى و نخلط جيداً حتى يذوب السكر تماما نضيف عليه الكوكاو و جوز الهند المرحيين نلم العجينة لازم تكون طرية و نضيفلها ماء الزهر.
اذا شفتو بلي العجينة ناشفة مككن اضافة ماء الزهر.

في الغد نأخذ العجينة ، و نضيف عليها مبشور الليمون و نعجنها جيداً.اذا شفتها تتفتت نضيفلها ماء الزهر ملعقة بملعقة. حتى تطرى العجينة
ثم نفتحها على سمك 1.5 سم حسب الرغبة.
نقطع مثلثات بالموس على ألطريقة التقليدية و نسقمها أو نطبع بطابع عادي فوق كيس بلاستيكي باش يعطيني شكل بومبي bombé.

ندخلها تطيب اي تستوي من الأسفل فقط على 180 درجة. مدة 7 دقيقة أكثر شيء 10 دقيقة لازم تأخذ لون وردي فقط من الأسفل و نخرجها من الفرن. لأن فيها البيض فقط لي ينشف.

🌟و إذا زدنا مدة الطهي تجي يابسة.🌟
نخلو المخبز يبرد تماما.

نوجد الطلية :
نخلط كل من بياض البيض ، عصير الليمون ، الملون ، العطر لي تختاروه ، الفانيلا و ماء الزهر جيداً و نضيف السكر الناعم تدريجيا.
المزيج لازم يكون ثقيل
نغطيها و نخليها ترتاح نصف ساعة.

ثم نطلي الحبات و نزين حسب الرغبة 🌟