نبدا بسم الله ونحضر صلصة الطماطم نجيب كسرونة نحط فيها 4حبات طماطم مقطعة انصاف ونضيف عليها م م طماطم مصبرة وم ك زيت ونصف حبة بصل مقطعة شرائح وفلفل اسود وعكري حلو وم ص ملح و2سنات ثوم حبات نحطها على نار هادئة حتى تطيب مليح

نجيب برا ميكسار ونرحي الطماطم مليح

بعد ذلك نجيب جفنة واسعة نحط فيها 2كيلات دقيق القمح الكامل ونحط فالوسط ربع كاس زيت زيتون وم ص ملح وم ك خميرة الخبز

ندخل الزيت زيتون مليح باليد ثم نسخن كمية من الماء ونصبو فالعجينة بالتدريج ونبقا نلم باليد

نلم العجينة تاعي على شكل كرة ونغطيها بورق شفاف او كيس بلاستيك

نخلي العجينة تختمر مدة نصف ساعة كل وحدة حسب درجة حرارة المطبخ ثم نحطها على سطح العمل ونعجنها قليلا ونقسم العجينة على 2 نشكلهم كما فالصورة ثم نبدا نحل الكرة الاولى دون الاستعانة بالفرينة بالحلال فقط

نجيب سينة الفرن ندهنها بالزيت ونحط العجينة الاولى ثم الثانية بنفس الطريقة

نرجع الصلصة ونفرغ كمية مليحة في كل سيينة

بعد ذلك نحط كمية مليحة من جبن مبشور ثم نحط فلفل حلو مقطع شرائح وزيتون اسود ومعدنوس مقطع رقيق نشعل الفرن يسخن مسبقا على درجة عالية ثم ندخل السينية الاولى تطيب مليح من تحت حتى تطيب ثم نشعل لها من فوق تنشف الطماطم ويذوب الجبن

نخرج السينية الاولى ونحط السينية الثانية فالفرن نخلي البيتزا تبرد قليلا ونقطعها شكل مثلثات

فالاخير شكل البيتزا بدقيق القمح الكامل جات خفيفة وتقرمش نكونو حضرنا بيتزا صحية احسن من الطحين الابيض(الفرينة) وكذلك زيت زيتون دون سكر مضاف