اولا نرحي البسكويت و نزيدولو زبدة ذائبة حتى يتلم نديروه في مول الى يتفتح و نبسطه مليح و نديرو في الثلاجة لمدة ساعة او ساعتين

كي يبرد ندير الحليب و الفلون و النشاء و الكاكاو في كسرونة و نخلط بارد في بارد و نحطوه فوق النار هادئة حتى يثقال مباشرة نفرغوهم على الطبقة البسكويت و نخلوه يبرد ثم نحطوه الثلاجة حتى يبرد تماما

اخيرا نحضر الشانتيه مع الماء كي تطلع تماما نزيد نواة كوكو (جوز الهند) و نخلط بالشوية و نحطها على طبقة الفلون والتزيين اختياري انا درت وردات من الشانتيه و بودريت الكاكاو و حطيت زوج حبات شوكولاته كانت عندي و الجود بالموجود و خليه تبرد لأكثر من ساعتين و شهية طيبة