الخطوات
- 1
اول حاجة نحضر الجينواز نفصل البيض نطلع البياض وحدو مع قرصة ملح و نروح في إناء وحداخر ندير الصفر مع السكر و فانيليا و نخلطهم مليح حتى يولي الخليط ابيض نزيد الزبدة ذائبة و نخلط نزيد الفرينة و نحلط مليح يولي الخليط ثقيل و نزيد البياض للي طلعتوا غير بشوية و نخلط من تحت لفوق و نفرغها في المول على نصفين نطيبها ما تطلعش بزاف جي حابطا
- 2
تاني حاجه نخدم الكريمة ندير الحليب في كسرونه مع شوية فانيليا و نحطو يسخن و في إناء نحط البيض و سكر و نخلط مليح امبعد نزيد الفرينة و الميزينة و نجيب الحليب نزدو على 3 خطرات كي يتخلط نعود نفرغو في لكسرونة و نحط فوق النار حتى تعقد كي تعقد ندير لها 160غ زبدة باردة لازم و نخلطها بلبغا و نشد إناء وحداخر نضرب فيه 160غ زبدة الثانية امبعد نزيدلها الخليط الأول على 3 خطرات و نخلط بالخلاط و نخليها شويه في الفريجيدار الا شدت روحها ضربوها شويه بلبغا
- 3
السيرو ندير الماء و سكر يغلو 10 دقيقة حتى 15 دقيقة و خليه يبرد و نروح نغسل الفريزر و نقطعها على 2 لازم تكون نفس الطول
- 4
نحط جينواز في مول يكون يتحل او سارسو و نكون نقصت لجينواز في الأطراف بحاجة تكون مدورة قيس ما نحط الفراولة كي نحط جينواز نشمخها بسيرو و نستف الفراولة و ندي عليها الكريمة
- 5
فوق الكريمة نقطع فراولة مورسوات و نزيد ندير جينواز و نشمخها امبعد ندير الكريمة و نسقمها بلمغرف و نخليها في الفريجيدار على الاقل 3 سا
- 6
نخدم كومبوت تع فريزا و كي تبرد نفوغو فوقها و نزينها
وصفات مشابهة
وصفات ننصحك بمشاهدتها
التعليقات (9)