أولا نحضر العجينة: نضع 4كيلات فرينة ممسوحين مع فانيلا في جفنة ثم نضيف لها كيلة سمن ذائب مع 3 ما ك زيت ورشة ملح ونبدا نبسس مليح حتى يتجانسو ثم نضيف ماء زهر حتى نلم عجينة طرية.

ندلكها شوية ثم نتركها ترتاح 15د وبعد نقسمها على 12كرية ثم نبسط الكريات قليلاً ونرش كل وحدة بالنشا وبعد نغطيها ببلاستيك ونخليها ترتاح مدة طويلة 3سا على الأقل.

نرجع للحشو:نخلط كاوكاو مع لوز ونزيد بودرة برتقال وقرفة ثم نزيد كيلة ناقصة صبع سكر وم ك سمن ثم نرش عليهم ماء زهر ونغطيه ونخليه على جهة.

بعد مرور المدة المحددة تكون العجينة رتاحت. نبدأ نسرح بالوحدة بالنشا ثم نضع وحدة على وحدة يعني 5 ثم نسرحهم على بعض وندهن الصينية بالسمن ونضع عليها الطبقات ونضع عليهم سمن بالفرشاة ،وبعد نسرح الكريات السبعة المتبقية قليلا بالنشا ونضعهم على بعض ونعاو د نسرحهم مع بعض ونغطيهم.

نضع الحشو على الطبقة الاولى ثم نسويه وبعد نضع الطبقات 7 المتبقية ونضغط قليلا في الجوانب ونتخلص من الزوائد.ثم نقسمها وبعد نسقيها ب1/2 كيلة سمن ثم نضع حبات اللوز التزيين وندخلها الفرن حتى تتحمر الجوانب نهبطها لتحت حتى يتحمر الوجه ،بعدما نخرجها نسقيها بالعسل.