بعد كدا ننزل بالمايه شويه شويه واحنا مش هنعجن خالص احنا هنلف العجينه بادينا فى الطبق لحد ماتلم وتبقى سايله شويه بس ماسكه نفسها هتشوفو فى الصور

علامة ان العجينه تمام انى لما ألتها يعنى أرفع ايدى لفوق تنزل موصوله مش مقطعه برضه الصور موضحه اكتر

أول مانوصل للدرجه دى نغطيها بفوطة نظيفة وندخلها فرن البوتاجاز المطفى تخمر فيه ونسيبها تخمر ٣٠دقيقه عشان الشتا

نرجع للزلابيه اللى خمرت وحجمها تضاعف ونحضر زيت نضيف غزير ننزل فيه كرات الزلابيه على حراره هاديه بس الزيت سخن اول على النار ٣ ثوانى وبعد كدا هدى خالص ونشكل الزلابيه زى الصوره نقفل عليها بايدينا وبعلقة الشاى ناخد الكورة اللى هتطلع من ايدينا ع الزيت ويكون جنبنا كوباية مايه بعد كل كوره نغسل فيها المعلقه علشان الكور تنزل بسهوله

هنحمرها على مرحلتين الاول ننزلها تاخد لون اصفر فاتح ونطلعها نفردها ع ورق او مناديل مطبخ ولما تبرد خالص ننزلها تانى تاخد اللون الذهبى المطلوب والخطوة بيعملها المحلات عشان حتى لو باتت لتانى يوم تفضل محتفظه بقوامها ومقرمشه

لما تطلع من الزيت المرة التانيه ننزلها فى الشربات ونقلبها فيه ومن الشربات على مصفى لتصفية الشربات الزائد ثم على طبق التقديم

الشربات الزيادة نحتفظ به في برطمان فى التلاجه