كيكة عيد الأب
#وصفات_لسوبر_بابا
اللهم صل وسلم وبارك على سيدنا محمد، في الحقيقة كنت درت هاد الكيكة هادي مدة حبيت نفرح بيها المعلّم هههه (زوجي)، أمّا التزيين كان من إقتراح بنتي، ربي يحفظو لينا ويبارك في صحتو وفي رزقو ويخليه تاج فوق راسنا يا رب وما يحرمنا من دخلته علينا
كيكة عيد الأب
#وصفات_لسوبر_بابا
اللهم صل وسلم وبارك على سيدنا محمد، في الحقيقة كنت درت هاد الكيكة هادي مدة حبيت نفرح بيها المعلّم هههه (زوجي)، أمّا التزيين كان من إقتراح بنتي، ربي يحفظو لينا ويبارك في صحتو وفي رزقو ويخليه تاج فوق راسنا يا رب وما يحرمنا من دخلته علينا
الخطوات
- 1
نحضر كل المكونات ونبدأ باسم الله، في إناء نحط البيض والسكر ورشة الملح ولفاني ونضرب الكل جيدا
ملاحظة: باش يطلع البيض لازم يكون بحرارة الغرفة وإذا نسيناه ما جبدناهش بكري من الثلاجة نحطوه في ماء ساخن لمدة 5 د
- 2
حتى يبياض الخليط ويتضاعف ويصبح القوام كريمي نضيف الفرينة مخلطة مع الخمارة نغربلها بطبيعة الحال، دخلتها بالباتور مدة 2 ذ
- 3
نصب الخليط في مول (استعملت القلب) كنت دهنتو بالسمن وغبرتو بالفرينة كي نكون نصب الخليط من الأحسن رفع الإناء باش يزيد يدخل الهواء، ندخل القالب للفرن المسخن مسبقا على درجة حرارة متوسطة دات معايا 40 دقيقة تقريبا.
- 4
كي يطيب نحيه من الفرن ونقلبو على مشبك باش يبرد مليح، غلفتو ببلاستيك غذائي ودخلتو للثلاجة مدة ليلة كاملة.
- 5
في الصباح وجدت كريمة الشونتيي في إناء حطيت الماء والغبرة الشونتيي والحليب غبرة ضربتهم شوية وضفت عليهم علبة فلان (كريم ديسار)
- 6
ضربت مليح حتى تماسكت الكريمة وضاعفت الحجم، عمرتها في كيس حلواني باش نسهل العملية.
- 7
بالسكين علّمت حدود وبمساعدة الخيط قطعت الكيكة على 3 قطع متساوية
- 8
جبت نفس القالب اللي طابت فيه الكيكة كنت غسلتو ونشفتو مليح فرشت في القاعدة ورق الزبدة حطيت القطعة الأولى شربتها بالسيرو (في كاسرونة حطيت الماء والسكر وطرونش ليمون فوق النار مدة 10 دقائق بعد الغليان وطفيت خليتو برد تماما) وزعت الكريمة بالتساوي
- 9
رشيت رشة خفيفة من القرقاع (الجوز) حطيت الجزء الثاني شربتو بنفس الطريقة وعاود درت الكريمة ورشة من الجوز أما القطعة الثالثة شربتها فوق الصينية عاد حطيتها فوق الكريمة وزدت رشيتها رشة خفيفة من الفوق باش تجي مشربة مليح، غلفت الكيكة ودخلتها للمجمد (باش نربح شوية وقت)
- 10
ذوبت الشكولا بالحليب ورسمت بيها نصف القلب وقلب صغير استعملتو في التزيين
- 11
في هاد الوقت وجدت القناش سخنت الكريمة الطازجة وذوبت الشكولا وخلطتهم مع بعض حتى تجانست كل المكونات وضفت غبرة الشونتيي وخلطت مليح غلفتها ودخلتها للثلاجة تبرد مليح.
- 12
في هاد الوقت طلعت الشونتيي مع الحليب المثلج حتى ضاعفت الحجم وكي برد القناش ضربتو مليح الباتور وبديت نضيف كريمة الشونتيي بالتدريج.
ملاحظة: خليت كمية قليلة من كريمة الشونتيي غلفت بيها الكيكة
- 13
ضربت الكريمة حتى ضاعف المزيج عمرت الكريمة في كيس حلواني واستعملت قمع مسطح من الجنب.
- 14
خرجت الكيكة من المجمد ودهنتها دهنة خفيفة من كريمة الشونتيي وبديت نزين كما هو موضّح في الصور.
- 15
خليت نصف الكيكة بدون تزيين عمرت فيه قطع من الحلوى والشكولا وحطيت نصف القلب اللي عملتو بالشكولا كان برد تماما وتماسك
- 16
وكملت التزيين بنفس الطريقة
ملاحظة: هاذ الكيكة أسهل ما يكون غير أنا كثرت الصور باش تجي المراحل مفهومة.
- 17
هذاك القلب غرستو في الجنب وكتبت بالقليل من الشكولا البيضاء وزينت بباقة من الورد الأحمر (غير صالحة للأكل للتزيين فقط)
ملاحظة: من الأحسن إدخال الكيكة للثلاجة لحين التقديم باش تحافظ على الشكل نتاعها.
- 18
وتقدم بألف صحة وهنا
وصفات مشابهة
-
كيكة عيد الام كيكة عيد الام
كل عام وكل يوم والامهات الجزائريات بالف ااااالف خير وربي يحفظنا جميع امهاتنا ولا يحرمنا من اصواتهم هاد الكيكة درتها على غفلة لامي عليها عملت تزيين بسيط
-
-
-
كيكة عيد ميلاد كيكة عيد ميلاد
عيد ميلاد انفال بنت خويا نعتبرها بنتي كانت ضيفة عندي قلت نفرحا نشاء الله تعجبكم كيما عجبتها وفرحت بيها
-
كيكة عيد ميلاد كيكة عيد ميلاد
#أرشيفي_المطبخي(لكل شخص مرا من هنا يدعو لوالديا بالرحمة )#عودة_الفرولات#حفلة_الفرولات
-
-
كيكة عيد الميلاد كيكة عيد الميلاد
#الشيف_الذهبيعيد ميلاد بابا حبيبي وسندي وكل شيء في الدنيا ربي يخليه تاج فوق راسنا ويظول في عمرو
-
-
-
كيكة عيد ميلاد كيكة عيد ميلاد
#فرحة_طفل #لمسات_وردةالياسمين_المتألقة اليوم 1 جوان يصادف عيد الطفولة كل عام واطفال العالم بخير وكذلك يصادف عيد.زواجي ربي يحفظلي زوجي تاج راسي وهذي الكيكة مهداة لكل أطفالنا الأعزاء
-
-
وصفات ننصحك بمشاهدتها
التعليقات (26)