ندير السميد سمن دايب مع الزيت وملح ونمحر بيديا مليح لمدة طويلة بواسطة كفوف اليد ونخليه ليلة يبات في ليدامو غدوة منداك ندير كيلة ماء وماء الزهر بالتدريج ونطم المقروط بدون عجن ناكد بدون عجن حتى ينطم معانا

نروحو لغرس نحكم كمية تاع غرس على حساب كمية لي راح دريها من المقروط نديرلو زيت وماء الزهر وقرنفل مرحي ونعجنه مليح حتى يطرى معانا

نحكم حربوش نحلو وندير في وسطه الغرس ونغلق عليه وندير حربوش ماهو رقيق ما هو خشين ونطبعه بالطابع خاص بالمقروط وتقطعه مقروطات ونستفه في سنيوة ومنخليش الغرس ابان باش مييبسش في حواف نطيبه على نار متوسطة ما قاوية ما ناقسة كي طيب نعسله وشهية طيبة