بنحط ماء لتسخن على النار. بنضيف العدس, بنشيل الرغوة. وبعدا بنخفف عليه وبنغطي نص غطا ليستوي.

بنقي البقدونس وبنفرمو. وبنقي السلق وبنفرمو, بنغسلا منيح من تراب.

بنضيف السلق وبقدونس على العدس وبنخليون يستوو مع بعض. وبنضيف نص كمية الثوم و ملح حسب الرغبة.

بعدا بنحط الليمون او حصرم حسب الرغبة, هاي اكلة لازم يكون الحامض ظاهر فيا.

بنقلي نص ثوم الباقي بزيت الزيتون على النار وبنضيفن عليون.

بنحط ثلاث ملاعق طحين بزبدية وبنخفقن بشوية ماء وبنضيفن عليون. وبنخليون خمس دقائق وبنطفي. وصحة وهنا.

الطحين حتى يمسكو بعضن, مايكون السلق وبقدونس وعدس مفصولين عن الماء. وتقدم جنبا البصل اخضر.