اول شي بعمل الكريم كراميل، بحط ٤ كاسات حليب سائل مع بودرة الكريم كراميل بدون العسل بطنجرة على الغاز وبحرك لحتى يغلي.

بقطع كيك السويسرول وبصفه كله بصحن بايركس وما بترك بينهم فراغات.

على الخلاط (المولينيكس) بطحن بسكوت الشاي وبحطه هو والقشطة وكريم الكراميل وبخلط ليصير قوامه مو رخو ولا لزج، وسط. يفضل نصب الكريم كراميل شوي شوي ونحرك بدل ما نصبه كله مرة وحدة، عشان ما يصير رخو.

الخليط اللي صار بالمولينيكس بصبه فوق الكيك الى بالبايركس، وبدخله الثلاجة ساعتين إلى 3 ساعات.

بس يطلع بكون صار بارد وجامد، بحط الشوكة والسكينة فوقه وبرش عليه كاكاو، بس يتغطى كل الصحن بالكاكاو بشيل الشوكة والسكينة وبصير الشكل متل الصورة. وبكون جاهز للتقديم.. وصحتين.