نأخذ الشفلور (القرنبيط) نحطوه في الماء يغلي مع سنة ثوم وملح حتى اطيب وانحيوه ونخلوه يقطر ونتركه جانبا

اهنا نأخذ كاسرونة وانحضر صوص البيشاميل نذوب الزبدة ثم انضيف الفرينة (طحين) واخلط ثم انضيف الحليب تدريجيا بلا مانوقف الخلط باش ماتلصقش وانضيف شوية ملح وسنة ثوم مرحية وفي الاخير انضيف الفرماج وانخلط حتى تثقال شوية ونتركها جانبا

الان نأخذ صحن اندير فيه حبة بيض ونخلط نضيف حليب والتوابل المذكورةو شوية الملح والهريسة وانخلط والموتارد والفرينة وسنة ثوم مرحية وانخلط حتى تثقال الخليط ثم نغطيه الشفلور (القرنبيط) المقطر ونقليوه

فالاخير نأخذ بلا الفرن ونفرغ فيه شوية برك من صلصة البيشاميل وانحط الشفلور (القرنبيط) المقلي وانزيد انفرغ باقي صلصة البيشاميل

ملاحظة يمكن تقلي بطاطا او تشرشميها وترحيها واتحطيها كطبقة اولى ثم فوقها طبقة الشفلور (القرنبيط) وثم طبقة صلصة البيشاميل ونحطها في الفرن حتى تحمر

راهي اتجي بنينة