صدر دجاج غسلته مليح و حطيته في قدر و فرغت عليه ماء و ملح، فلفل أسود. و كوري تع دجاج و كركب و خليته يطيب, اي يستوي براحته

بطاطا قليتها و خليتها على جنب و منبعد قليت الجزر و حطيته مع البطاطا.منبعد كي طاب الدجاج نحيته و خليته يبرد على جنب

في كسرونة : حطيت زبدة و خليتها تذوب مليح و نفرغ الفرينة (طحين) و نحرك بالملعقة خشب و نحرك دون توقف حتى تتحمر معايا باش تروح ريحة فرينة (طحين او دقيق) و تتلم نبقى نفرغ فالمرق الدجاج عليها غير باللعقلمرق يعطيها بنة رووووعة و نخلط مليح و نزيد حليب غير بلعقل حتى نوصلو للقوام نوعا ما سائل مشي مثخثرا يعني نصف مقدار مرق دجاج و نصف آخر حليب

نطفي و نحط الفرماج و نخلط مشي حتى يذوب نكسروه برك ،نحكم الدجاج و نقطعه تقريبا إلى فتات نقطعه مليح مشي مكعبات و نضيفه إلى بطاطا و الجزر

نأخذ كمية من بيشاميل و نضيفه إلى بطاطا و الجزر و الدجاج و نقلب ،ثم نفرغه في مول يكون مدهون بالزبدة ثم نصب على كامل ڨرتان بيشاميل لبقالي و نسويه على كامل مول و نذخله الفرن مشعول من الفوق فقط كلش راه طايب غير يحمر برك مهم كنصيحة خلوه في الوسط باش ينحرقش و يدير هذيك القشرة سوداء برك يحمر

خلوه يبرد شويا و قطعوه و كلوه بالصحة و العافية