في اناء نحط الفرينة والملح والمارغرين الذائبة نبسس الفرينة جيدا ثم نضيف البيضة ونحلها في شوي ماء ونلم العجينة بالماء نتحصل على عجينة طرية ندلكها جيدا حوالي 5دقائق حتى تصبح رطبة نغطيها ونخليها ترتاح على الاقل نصف ساعة،

بعد ما ترتاح العجينة نفتحها على شكل حربوش ونقسمها على 12 قطعة نشكلها كويرات ونغطيها ونخليها ترتاح قليلا،

نفتح كويرات العجين قليلا بالنشاء الواحدة تلوى الأخرى ونحطها فوق بعضها وبين كل وحدة ووحدة نحط كمية لاباس بيها من النشاء كما في الصور، نتركها ترتاح قليلا،

ثم نفتحها كاملة على شكل مستطيل ضعف حجم الصينية التى ستطهى فيها نقسمها على2 ناخذ الصينية ندهنها بالمارغرين ونحط الطبقة الأولى من العجين وندهنها بالمارغرين،

نحط الحشو ونرش عليه قليل من المارغرين الذائبة ونحط الطبقة الثانية من العجين نسويها جيدا ونفرغها من الهواء نقسمها كما في الصورة،

ندهنها بالمارغرين الذائبة ونحطها تطيب في فرن مسخن مسبقا على درجة حرارة 180 من تحت ثم من فوق لما نخرجها من الفرن نخليها ترتاح 5دقائق ثم نعسلها بعسل دافئ مع قليل من ماء الزهر

ونتركها على الاقل 4ساعات تتشرب ومن الأحسن ليلة كاملة ثم تقطع وتقدم

ملاحظة:انا استعملت صينية صغييرة قطرها 20سم استعملت للكيل فنجان قهوة وبيضة صغيييرة لصينية كبيرة نستعمل كأس 240ملل وبيضة كبيرة.