نجيب طبسي نحط فيه الفرينة (طحين) ونخلي تقريب زوج مغارف كبار منها

نضيف الملح ونلم لعجينة بالما ونخليها قاسحا شويا نحطها على طاولة العمل ولا لبوطاجي انتاعك يكون نقي نبقا ندلكها زين حتى تتماسك في بعضها وماتبقاش تتلسق

نخليها ترتاح عشر دقائق ونقرصها كلها من بعد نجيب الزيت والفرينة ندهن لبلاطو انتاعنا بالزيت ونشمخو يدينا بزيت ونبقا نحل لحبة انتاعنا ملييح نرشها بالفرينة ونطبقها على زوج ومن بعد نطبقها على ثلاثا ونحطها ترتاح

كي نخدم نصف الكمية نشعل النار باه نطيب نجبد حبة من اللي طبقنا ونحلها غير بشويا نخدمها مربعة ونرش الطاجين انتاعنا بالزيت ونحطها من بعد نبقا نقلبها مرة وزوج باه تتنفخ وتجي مورقة

بالصحة والراحة يارب تعجبكم