الخطوات
- 1
كنقطعو كل من البطاطس والجزر والقرع الاخضر لمربعات وكنديرو كل حاجة بوحدها تسلق مع القليل من الملح ومن بعد كنخدو لوبيا الخضراء كنقيوها ونقطعوها ونصلقوها وكنصلقو الرز وكنصلقو الشمندر
- 2
فخلاط كهربائي كنديرو كأس الحليب مع كأس الا قليل من الزيت (كأس ناقص منو شوية) 2فرماجات عصيرحامضة القليل من الخل ملح ابزار كنطحنو كولش مزيان حتى كيعقد وكنحصلو على مايونيز
- 3
كنقطعو الطماطم قطع طويلة مع البصل والخص كنديرو ليهوم القليل من الملح ابزار الزيت والقليل من عصير الحامض وكنحطوها في الثلاجة بلا منخلطوها حتى نبغيو نقدموها
- 4
من بعد مكتسلق الخضر ديالنا فمقلات كنديرو 2فصوص ديال الثوم مع القليل من الكزبرة طري مقطع ملح هريسة نصف ملعقة كمون نصف ملعقة كزبرة يابس زيت فلفل احمر كنشحروهم شوية وكنزيدو عليهم لوبيا الخضراء كنشرملوها مزيان وكنحطوها على جنب
- 5
كنخدو مقلاة كنديرو فيها 2فصوص ديال الثوم مع القليل من الكزبرة طري مقطع ملح هريسة نصف ملعقة كمون نصف ملعقة كزبرة يابس زيت فلفل احمر كنشحروهم شوية وكنزيدو عليهم قرع اخضر حتى كيتشحر مزيان
- 6
كناخدو رز لي تسلق وبرد كنديرو فيه 4معالق كبار مايونيز زيتون مقطع وكنخلطوه مزيان كنديروه فزلافة كبيرة وكنخدو طبق التقديم وكنحطو زلافة وسط الطبق بلا منحيدوها حتى الاخير
- 7
كنخدو البطاطس كنزيدو ليها شوية ابزار ملعقة مايونيز والقليل من المعدنوس (بقدونس) حتى هي كنحطوها في طبق التقديم على2جيهات باش توصل لكولشي
- 8
الجزر كنزيدولو ملعقة مايونيز وكنحطوه في طبق التقديم على 2جيهات
- 9
الشمندر كنقطعوه مربعات كنضيفولو القليل من البصل 2ملاعق مايونيز ونفس الشيء كنحطوه في طبق التقديم على 2جيهات والخضر لي شرملنا حتى هي كنقدموها في الطبق على 2جيهات
- 10
كنخلطو شلاضة ديال الطماطم وحتى هي كنقدموها على 2جيهات من بعد كنحيدو زلافة لي دايرين الوسط كيبقى غي الرز شاد الشكل ديال الزلافة وكندوروه بالخيار لي كنكونو قطعناه دوائر وبالصحة والراحة
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (7)