نقشر البطاطا ونفرمه اصابيع ونقشر الباذنجان خط بخط ونقطعو حسب الشكل يلي بدكن هو ولكوسا نغسلو منيح ونقطعو دوائر ونحطن عجنب نحط الزيت عنار وبس يحمى نحط اول شي بطاطا نقليها وبس تخلص نحط الباذنجان لحتى تخلص الكميه واخر شي الكوسا لانو بسود الزيت نقليهن ونحطن بضحن تقديم

الفليفله خضرا : بمقلاه تيفال نضع زيت ونغسل الفليفله ونصفيها من المي لحتى ماتطرش بالقلي وبسكين نخزع من فليفله لحتى تستوي بسرعه وماطرش وبس استوت نحطن بصحن

سلطه لبن نقشر كن سن توم وندقو مع فليفله خضرا ونضع 4 معالق طحينه ونضيف ماء شوي عليها ونحركا ونضيف عصير ليمون وتوم وفليفله ونحرك ونفرم بندوره حبتين وخيار حبتين ونضيفن مع طحينه وملح حسب رغبه وزيت زيتون

كوسا باللبن نقلي الكوسا على شكل دوائر وندق التوم ونضيفو جوات لبن ونعنع كمان ونضيف الكوسا المقلي جوات اللبن وملح حسب الرغبه وع وجه شويةنعنع

متبل بنجان نشوي البنجان عالغاز كم حبه ونقشرهم ونفرمن وبعدا ندقن ونقشر كم سن توم وندقن نضيف الطحينه وشويت ماء ونحرك مع عصير ليمون شوي وتوم المدقوق ونحرك ونضيف بنجان المدقوق وملح حسب الرغبه ونسكبو ونضع على وجه شويةكمون وفليفله حمرا ناعمه وزيت زيتون وحب رمان وصحتين وهنا