بنقطع صدور الدجاج شرائح وبنتبلهم بنص معلقة تومة بودرة ونص معلقة بصل بودرة

على النار بندوب الزبدة وبنضيف 4 سن تومة مهروسة وبنقلبها شوي وبضيف صدور الدجاج المقطعة وبهار الفاهيتا وبقلبهم.

بعدها بضيف بودرة مرق الدجاج والفطر والذرة والكريمة مع رشة الملح وبخليها لتستوي شوي وبعدها بضيف البصل والفليفلة الملونة وعلى نار هادية تتستوي تماما.

لتحضير أول طبقة : برص قطع التوست من دون اطراف بالبايركس وفوقها بدهن جبنة سائلة وموازريلا وفوقها بحط الفاهيتا ورشة جبنة موازريلا.

اخر طبقة بحط قطع التوست والصوص البيضا ( خليط الكريما والجبنة السائلة والمايونيز ) وبنصبها ع طبقة التوست وعلى وجهها جبنة موازريلا.

بالفرن اول شي 5 دقايق على درجة حرارة 180وبعدها بحمرها وبقدمها وألف صحة وهنا.