اول حاجه نبشر البصل ونقطع عليه ربطه الخضره ويفضل تكون كتيره ونضيف عليهم التوابل ملح وفلفل وبهارات لحمة ونخلطهم ببعض جامد جداً وبعدين نعصر عليهم الليمون ومعلقه الخل..

تاني حاجه نتبل اللحمة بالخلطه الجامده دي وندعكها فيها جامد اوي عشان التتبيله تغرق اللحمة

بعدين هنجيب الصينيه نقطع فيها البطاطس شرايح ونحط عليها شويه من التتبيله بتاعتنا وندعكها كويس بردو وبعدين نرص عليهم اللحمة باللتبيله بتاعتها وبنسيبها بايته في الثلاجه يوم

تاني يوم نطلعها ونحط عليها شويه ماء ومعلقه زيت ونسيبها تغلي على النار حبه حلوين وكل شويه تزودي ماء لحد ما اللحمة تستوي وياسلام على ريحتها تجنن تجنن 😂واول ما تلاقي اللحمة استوت دخليها الفرن تكمل غليان لحد ماتنشف وميفضلش غير صوص اللحمة العادي

وده شكلها اول ما طلعت م الفرن.بجد تجنن طعم وريحه تحفه هتعجبكم جداً ان شاء الله وطريقه جديده ومختلفه

وممكن تعملي معاها معكرونه او برام رز معمر وسلطه.. وبالهنا والشفا 😋⁦❤️⁩