الخطوات
- 1
اولا نغسل الكورجات ونقطعها الى 2 بالطول نملحها ونرشلها شوية الفلفل
- 2
نحط فالطاجين الثوم ونقليه مع زيت و زبدة نضيفلها طماطم مصبرة ونزيد نقلي و نضيفهلم طماطم راپي او مطحونة و نزيد نقلي نزيد الحميصة ورشة كزبرة ومعدنوس نقلي مليح اضيف الملح والفلفل وبقية التوابل ونمرق ب 2 كاس ماء ونخلية على نار هادئة
- 3
الحشو:نحط الملح في إناء ونضيف عليه فلفل اسود. رشة قرفة.رشة صغيرة كمون.شوية راس الحانوت.سنينة ثوم راپي الخبز المرحي وم ك بصل راپي معدنوس (بقدونس) مقطع 2 ملعقة ك ماء ونلم بالبيض ونعجنو مليح
- 4
نحشي الكورجات ونعمرها بحشو اللحم المفروم بعدما نكمل نشكل اللحم المتبقي كرات نحط ونقليهم في الزيت وزبدة ونحطهم بجيه وفي نفس المقلاة نحط الكورجات لي حشيناها تتحمر من تحت ونحطها مباشرة في الصوص نخليها تطيب اي تستوي ننزعها ونرمي كرات اللحم تكمل طيابها ونضيف الحار الاخضر ورشة معدنوس (بقدونس) نخلية 5 دقائق ونطفئ عليه نحط الكورجات المحشية في مول الخاص بالكوشة نحط عليها الجبن المبشور وندخلها للكوشة قيس مايذوب الجبن ونخرجها ونقدمها الى جانب الحمص وكرات اللحم ونزين بالمعدنوس انا قدمت جانبه بطاطا مقلية.
وصفات مشابهة
وصفات ننصحك بمشاهدتها
التعليقات