هنقطع اللحمة مكعبات صغيرة ونشوحها في زيت عشان نديها صدمه.. نقطع البطاطس والجزر والبصل مكعبات ونكبرها شويه لان اللحمة هتاخد وقت على ما تستوي.. نقطع الفلفل حلقات

في الكبه نحط الثوم ونضيف عليه الفلفل وورقة لوري وبهارات لحمة وجوزه الطيب وحبهان ومعلقتين صلصة ومعلقتين سمنه ونخلطهم مع بعض كويس

هنجيب بوله نضيف اللحمة مع البصل والخضار كله وننزل بالتوابل عليهم ونقلبهم كويس اوي مع بعض وممكن نضيف طماطم وبتنجان رومي وكوسه بس انا مضفتش

هنجيب ورق الفويل ونحط 2 فوق بعض بالطول و 2 فوق بعض بالعرض ونغلفه بورق زبده ونحط عليهم اللحمة بتاعتنا ونغلفه كويس لان بتستوي بالبخار مينفعش يحصل اي تسريب وندخلها الفرن هتاخد من ساعتين ل 3 ساعات... لو مش عايزينها تطول في الفرن ممكن تتسلق نص سليق