حنعصج اللحمة أول حاجة علشان نخلص منها بالخطوات اللي جاية

في طاسة هنحط الزبدة وبعدها البصل ولما يذبل هنحط عليه الطماطم والثوم، وبعد شوية عصير الطماطم والقطع والصلصة المعلبة.

أول ما الخليط يستوي نضيف له البهارات وبعد شوية نضيف اللحمة المفرومة.

نسيب اللحمة المفرومة تستوي ونعمل البشاميل بالخطوات الجاية

في الخلاط نحط المكونات (الدقيق+ 2 بيضة+ الملح+ اللبن) ونضربهم كويس.

في حلة، نحط الزبدة ولما تسيح ننزل عليها بخليط البشاميل، ونضيف الفلفل الأسمر، ونستمر في التقليب لحد ما يكون قوامه تقيل شوية.

في صينية، ندهنها زبدة، وبعدها شوية من البشاميل ونوزعه برضه في الصينية.

في طبق عميق منفصل، نأخذ نص المعكرونة ونضيف له بشاميل ونقلبهم في بعض، وبعدين نرص أول طبقة في الصينية المدهونة زبدة.

بعدها نضيف اللحمة المفرومة المتعصجة على جنب، كلها، ونوزعها على الصينية.

نكرر خطوة مزج المعكرونة بالبشاميل ونعمل طبقة تانية، لكن نأخذ بالنا إننا نسيب جزء من البشاميل.

نضيف الطبقة الثانية، وبعدها البشاميل المتبقي، ونفرده على الصينية كلها ونراعي أننا نغطي الطبقة الثانية من المعكرونة كلها.

في طبق عميق، نضرب البيضتين اللي فاضلين معانا، ومعاهم شوية ملح وفلفل أسمر، ونضربهم بشوكة كويس.

نفرد البيض المضروب على البشاميل، ونوزعه كويس على الصينية.